Sallagrazhda, fshati i cili për 15 ditë regjistroi më së shumti raste pozitive me COVID-19

Sallagrazhda, fshati i cili për 15 ditë regjistroi më së shumti raste pozitive me COVID-19
Eurolinda Zenelaj

03.05.2021 / Suhareka

Nga dita në ditë numri i të infektuarve me COVID-19 ka pësuar ndryshime, ku fatmirësisht gjatë 15 ditëve të fundit ky numër në Komunën e Suharekës ka rënë dukshëm, duke krahasuar me ditët e para të muajit prill të këtij viti.

Një gjë e tillë po bëhet e ditur nga raportimet ditore të Institutit Kombëtar të Shëndetësisë Publike në Kosovë ku çdo ditë raportohet për qindra të infektuar e dhjetra viktima.

Për dallim nga pjesa e parë e muajit prill ku për 15 ditë u regjistruan 93 raste pozitive me COVID-19, gjatë 15 ditëve të fundit në Komunën e Suharekës është regjistruar numër më i vogël, gjithsejt 50 raste.

Ndër tjerash, Instituti Kombëtar i Shëndetësisë Publike në Kosovë bënë të ditur edhe vendbanimet e të infektuarve me këtë virus, ku përfshihen edhe ato të Komunës së Suharekës.

Në cilin vendbanim të Komunës së Suharekës u konfirmuan më së shumti raste pozitive me COVID-19?

Sipas asaj që ka publikuar IKSHPK-ja, rezulton se gjatë 15 ditëve të para të muajit prill, në qytetin e Suharekës janë identifikuar 7 të infektuar me COVID-19, ku menjëher pas qytetit, me 5 raste pozitive renditet fshati Sallagrazhdë.

Pas këtij fshati me nga 4 raste renditet fshati Vraniq dhe ai Nishor, ndërsa, me nga 3 raste fshati Mushtisht, Dubravë dhe Sopijë.

Në tabelën e mëposhtme e gjeni numrin dhe vendbanimin e të infektuarve me COVID-19 në Komunën e Suharekës.

VendbanimetNr i rasteve pozitive
Suharekë7
Sallagrazhdë 5
Vraniq4
Nishor4
Mushtisht 3
Dubravë 3
Sopijë3
Duhël2
Dobërdelan2
Greikoc 2
Savrovë2
Studençan2
Bllacë 2
Budakovë2
Maqitevë1
Nëpërbisht1
Semetisht1
Shirokë1
Sllapuzhan 1
Gelancë1
Bukosh1
TOTAL50
RAPORTO