Shkëlqen Shkolla e Futbollit Ballkani, kampion në tri grupmosha në Prizren
Shkolla e Futbollit Ballkani ka shënuar një sukses të jashtëzakonshëm duke u shpallur kampion me tri grupmosha të ndryshme në kuadër të garave të Lidhjes Rajonale të Futbollit (LRF) në Prizren.
Tre ekipet e moshave të reja të Shkollës së Futbollit Ballkani arritën të triumfojnë në ligat e tyre përkatëse:
- Grupmosha U11A, e drejtuar nga trajneri Hamdi Perzhaku.
- Grupmosha U13A, nën udhëheqjen e trajnerit Premton Bajraktari.
- Grupmosha U15A, me trajner Zgjuart Kuçi.
Lidhja Rajonale e Futbollit në Prizren ka uruar publikisht futbollistët e rinj, trajnerët e tyre, Koordinatorin e Shkollës dhe të gjithë zyrtarët e tjerë për sukseset e arritura. Gjithashtu, LRF Prizren u ka dëshiruar atyre shumë suksese në garat nacionale, të cilat pritet të fillojnë së shpejti.
Ky sukses i Shkollës së Futbollit Ballkani tregon punën e palodhshme dhe talentin e futbollistëve të rinj, si dhe dedikimin e stafit drejtues dhe trajnerëve të kësaj shkolle të njohur futbolli.
Etiketat
Nora Gjakova zgjidhet anëtare e Komisionit të Sportistëve në Federatën Ndërkombëtare të Xhudos
Sport para 2 dite
Kryeministri Kurti pret në zyrë Amir Rrahmanin – “Kapiteni ynë, kampion i Italisë, shembull për të rinjtë”
Sport para 4 dite
