Maguire nuk dëshiron të largohet nga Manchester United pavarësisht kërcënimeve
Harry Maguire thuhet se ua ka bërë të qartë miqve të tij se nuk është i gatshëm të largohet nga Manchester United gjatë verës, pavarësisht kërcënimit të fundit me bombë ndaj familjes së tij. Qendërmbrojtësi i Djajve të Kuq mori kërcënimin të mërkurën pas mposhtjes 4-0 të ekipit të tij në derbin kundër Liverpool në […]
Harry Maguire thuhet se ua ka bërë të qartë miqve të tij se nuk është i gatshëm të largohet nga Manchester United gjatë verës, pavarësisht kërcënimit të fundit me bombë ndaj familjes së tij.
Qendërmbrojtësi i Djajve të Kuq mori kërcënimin të mërkurën pas mposhtjes 4-0 të ekipit të tij në derbin kundër Liverpool në Anfield një natë më parë.
“Në 24 orët e fundit, Harry ka marrë një kërcënim serioz për shtëpinë e familjes së tij”, tha zëdhënësi i Maguire.
“Ai e ka raportuar këtë në polici, e cila tani po shqyrton çështjen. Siguria e familjes së tij dhe atyre përreth tij është padyshim prioriteti numër një i Harry-t.
“Ai do të vazhdojë të përgatitet normalisht për ndeshjen e kësaj fundjave”.
Asnjë bombë nuk u gjet pasi policia mbërriti në shtëpinë e Maguire për të kryer një kontroll të plotë, me një qen nuhatës që u punësua për të kontrolluar zonën përreth.
“Harry nuk do të detyrohet të largohet nga Manchester United nga ky lloj kërcënimi”, tha një burim i afërt me Maguire për The Sun.
“Prioriteti i tij numër një do të jetë gjithmonë siguria e familjes së tij, por ai gjithashtu ka forcën e karakterit për t’u marrë me këtë. Duket si puna e ndonjë fansi frikacak.
“Nëse vërtetohet se është kështu, ata janë një turp i plotë për emrin e këtij klubi krenar futbolli”.
Reprezentuesi anglez, i cili u bashkua nga Leicester City në këmbim të më shumë se 90 milionë eurove në vitin 2019, është kritikuar për paraqitjet e tij te Djajtë e Kuq këtë sezon dhe u shaka nga tifozët anglezë në miqësoren e kombëtares kundër Bregut të Fildishtë muajin e kaluar.