Manchester United përmbys rezultatin në minutat e fundit, triumfon në derbin ndaj Cityt

Fillimi i ndeshjes ishte i ekuilibruar, me të dy skuadrat që kërkonin epërsinë. Pritjet u thyen në minutën e 36-të, kur Josko Gvardiol shënoi për Manchester Cityn, duke i dhënë skuadrës së tij avantazhin.

Por ndeshja kulmoi në fund, me Manchester United që tregoi shpirt luftarak. Në minutën e 88-të, Bruno Fernandes barazoi rezultatin nga pika e bardhë, pas një penalltie të akorduar për mysafirët.

Dramatike ishte edhe më tej, kur në minutën e 90-të, Amad Diallo realizoi një gol të bukur, duke vulosur fitoren e madhe për Manchester United.

Kjo fitore i ngjit “Djajtë e Kuq” në kuotën e 22 pikëve, duke u pozicionuar në vendin e 12-të në tabelën e Premier League. Në anën tjetër, Manchester City mbetet në vendin e pestë me 27 pikë, duke humbur një mundësi për të ngushtuar diferencën me skuadrat e kreut.