FC Ballkani arrin në Turqi për fazën përgatitore, do të zhvillojë katër miqësore

Ballkani ka njoftuar se dje ka përfunduar stërvitjen e fundit në Suharekë para nisjes për në Turqi.

Skuadra suharekase ka bërë të ditur se do të akomodohet në hotel, ku pastaj do të zhvillojë fazën përgatitore para fillimit të kampionatit.

Ballkani do të qëndrojë në Antalia deri me datën 31 Janar.

Po ashtu, klubi suharekas derisa qëndron në Turqi, atje do të zhvillojë edhe katër ndeshje miqësore.

Ndeshjen e parë miqësore do ta zhvillojë më 21 janar në Antalia, ku do të përballet me FC Nyiregyhaza.

Ndeshjet miqësore:
FC Ballkani vs FC Nyiregyhaza – 21 Janar;
FC Ballkani vs FK Arda – 24 Janar;
FC Ballkani vs FK Oleksandriya – 27 Janar
FC Ballkani vs MFK Ruzomberok – 29 Janar.