🇫🇷🇬🇧 Franca dhe Anglia përballen sonte për medaljen e bronztë të Botërorit 2026
Franca dhe Anglia do të përballen sonte në ndeshjen për vendin e tretë të Kupës së Botës 2026, në një duel që do të zhvillohet në stadiumin “Hard Rock” në Miami.
Foto: Ilustrim
“Gjelat” dhe “Tre Luanët” synojnë ta mbyllin aventurën e tyre në këtë Botëror me një fitore dhe të sigurojnë medaljen e bronztë, pas eliminimit në gjysmëfinale.
Franca e drejtuar nga Didier Deschamps dhe Anglia nën udhëheqjen e Thomas Tuchel do të kërkojnë të lënë pas zhgënjimin e humbjes së mundësisë për të luajtur në finale, duke dhuruar një paraqitje sa më të mirë në sfidën e fundit të turneut.
Edhe pse trofeu i Botërorit nuk është më në garë për këto dy kombëtare, përballja mes Francës dhe Anglisë mbetet një duel me shumë prestigj, ku të dyja skuadrat do të luftojnë për një medalje dhe për ta mbyllur me sukses kampanjën në SHBA.
Ndeshja nis në ora 23:00 dhe pritet të jetë një nga përballjet më interesante të këtij Botërori.
