Dhuna në familje, një plagë e hapur në Kosovë, 4 raste vetëm në 24 orët e fundit

Sipas raportit të Policisë së Kosovës, numri i rasteve të dhunës në familje po shënon një rritje alarmante. Vetëm në 24 orët e fundit janë regjistruar disa raste të tilla në qytete të ndryshme të vendit.

Në kryeqytet, policia ka regjistruar dy raste të dhunës në familje. Më datë 7 janar, një mashkull kosovar është akuzuar për ushtrim të dhunës psikologjike ndaj bashkëshortes së tij. Ndërsa, një ditë më vonë, një tjetër rast i ngjashëm është raportuar, ku i dyshuari ka ushtruar si dhunë fizike ashtu edhe psikologjike ndaj viktimës femër.

Edhe në Pejë është raportuar një rast i dhunës në familje. Një mashkull kosovar është arrestuar pasi ka ushtruar dhunë psikologjike ndaj bashkëshortes së tij.

Në Gjakovë, policia ka arrestuar një mashkull kosovar i cili, ndërsa ishte në gjendje të dehur, ka tentuar të godasë një person tjetër. Edhe pse nuk është konfirmuar lidhja familjare mes të dyve, rasti po hetohet si një incident i mundshëm i dhunës në familje.