Arrestohet një i dyshuar në Korishë pasi kanosi një person, policia sekuestron një revole dhe 5 fishekë

Rastet e kanosjeve janë pothuajse rastet më të shpeshta të cilat raportohen në Policinë e Kosovës, si pasojë e mosmarrëveshjeve të ndryshme nga qytetarët.

Një gjë e tillë sa është shqetësuese aq është edhe sfiduese për institucionet e vendit.

Një rast i kanosjës është raportuar të enjten në Stacionin Policor në Prizren.

Policia e Kosovës në Prizren ka njoftuar se dje rreth orës 16:00 ka arrestuar një person në fshatin Korishë i cili dyshohet se ka kanosur një person tjetër.

Poashtu, policia bën të ditur se nga i dyshuari është sekuestruar një revole dhe 5 fishekë.

Në lidhje me rastin është konsultuar prokurori i shtetit me vendim të së cilit i dyshuari është dërguar në mbajtje.