Zbulohet një bunker me barna të kontrabanduara – Dogana sekuestron qindra pako ilaçesh të huaja
Njësitë Antikontrabandë të Doganës së Kosovës kanë zhvilluar një operacion kontrolli në qytetin e Pejës, pas dyshimeve për veprimtari të kundërligjshme në ambientet e një barnatoreje.
Foto: Ilustrim
Gjatë kontrollit, zyrtarët doganorë kanë zbuluar një hapësirë të improvizuar – bunker, ku janë gjetur dhe sekuestruar 468 pako barnash me banderola të shteteve të huaja, të cilat dyshohet se janë kontrabanduar në territorin e Republikës së Kosovës.
Sipas njoftimit të Doganës së Kosovës, barnat e gjetura nuk kishin asnjë dokumentacion të origjinës apo të importit ligjor, dhe dyshohet se janë futur në vend përmes kanaleve të jashtëligjshme, duke shmangur kontrollet doganore dhe standardet e sigurisë farmaceutike.
Autoritetet doganore kanë njoftuar se janë iniciuar procedurat përkatëse hetimore, ndërsa rasti po trajtohet në bashkëpunim me institucionet kompetente.
Në njoftim thuhet se Dogana e Kosovës mbetet e përkushtuar në luftimin e kontrabandës, në mbrojtjen e shëndetit publik dhe në sigurimin e tregut të brendshëm nga produktet e paligjshm
