Ylli dominon Rahovecin dhe arkëton fitore të sigurt 94–80 në Superligë

Skuadra nga Theranda e nisi mirë takimin dhe krijoi epërsi që në pjesën e parë, ndërsa çereku i dytë ishte vendimtar, ku Ylli realizoi 31 pikë. Rahoveci reagoi në çerekun e tretë me 33 pikë të shënuara, por vendasit ruajtën qetësinë dhe e mbyllën ndeshjen me kontroll të plotë në dhjetëminutëshin e fundit.

Ylli u tregua më efikas në gjuajtje, me 48% realizim nga loja, duke e menaxhuar më mirë ritmin e ndeshjes deri në fund. Kjo fitore i jep shtysë të rëndësishme Yllit në vazhdim të garës për pozita sa më të larta në tabelë.