Tetë shërbime të reja të Gjendjes Civile tani online në Platformën eKosova
28.04.2025
Qytetarët e Kosovës tashmë kanë mundësi të përfitojnë nga tetë shërbime të reja elektronike në kuadër të kategorisë “Gjendja Civile” në Platformën eKosova.
Kjo është bërë e mundur falë bashkëpunimit mes Platformës eKosova dhe Agjencisë së Regjistrit Civil (ARC), duke lehtësuar qasjen e qytetarëve në dokumente të rëndësishme pa pasur nevojë të paraqiten fizikisht në zyrat përkatëse.
Shërbimet e reja të lansuara përfshijnë një gamë të gjerë certifikatash të nevojshme për situata të ndryshme jetësore:
- Certifikata e vendbanimit: http://ekosova.rks-gov.net/623
- Certifikata e shtetësisë: http://ekosova.rks-gov.net/624
- Certifikata mbi statusin martesor: http://ekosova.rks-gov.net/625
- Certifikata e bashkësisë familjare: http://ekosova.rks-gov.net/626
- Certifikata e vendbanimit për anëtarë të familjes: http://ekosova.rks-gov.net/627
- Certifikata e shtetësisë për anëtarë të familjes: http://ekosova.rks-gov.net/628
- Certifikata mbi statusin martesor për anëtarë të familjes: http://ekosova.rks-gov.net/629
- Certifikata e bashkësisë familjare për anëtarë të familjes: http://ekosova.rks-gov.net/630
Këto shërbime të reja synojnë të modernizojnë dhe të thjeshtojnë procesin e marrjes së dokumenteve të Gjendjes Civile, duke kursyer kohë dhe duke shmangur radhët e gjata në sportelet administrative.