Shtimi i numrit të inspektorëve të punës – domosdoshmëri

  • 13.08.2022
Shtimi i numrit të inspektorëve të punës – domosdoshmëri

Në Inspektoratin e Punës kanë theksuar se këtë vit do të fillojnë punën 17 inspektor të rinj, e që do të lehtësoj punën e tyre.

Shtimi i numrit të inspektorëve është kërkuar edhe nga Sindikata e Punëtorëve të Sektorit Privat (SPSPK), e që sipas tyre është e domosdoshme prej kohësh.


Numri i saktë i punëtorëve në nivel vendi nuk dihet, kjo ngase shumë punëtorë nuk janë të deklaruar dhe vazhdojnë të punojnë “në të zezë”, e në kushte pune jo edhe aq të mira. Pengesë në përmirësimin e kësaj gjendje prej vitesh thuhet se është edhe numri i pamjaftueshëm i inspektorëve.

Përkundër paralajmërimeve për rritjen e numrit të tyre, numri i inspektorëve të punës në nivel vendi vazhdon të jetë i njëjtë. Kryeinspektori i Punës, Hekuran Nikçi, tregon për Radio Kosovën numrin e inspektorëve që janë aktualisht dhe që planifikohet të shtohen.

“Në Inspektoratin e Punës janë të angazhuar momentalisht 31 Inspektor të Punës, në shtatë regjionet që operojmë. Ashtu siç është premtuar janë duke u zhvilluar procedurat për pranimin e fillimisht 17 Inspektorëve të rinj, procedura është në proces. Për vitin 2023-25 janë të aprovuar 100 inspektor të rinj. Me kohë do të vendoset se a do të jetë një konkurs i përnjëhershëm për 100 inspektorë apo do të shkohet faza-faza”, tha ai.  

Tutje, Nikçi tregon se procedura për përzgjedhjen e 17 inspektorëve të rinj të punës është drejt përfundimit dhe të njëjtit do të fillojnë punën gjatë këtij viti.

Nga ana e tij, i shqetësuar me kushtet e punës të punëtorëve në sektorin privat shprehet kryetari i Sindikatës së Pavarur të Punëtorëve të Sektorit Privat, Jusuf Azemi. Ai tha për Radio Kosovën se shtimi i inspektorëve të punës është domosdoshmëri dhe kjo duhet të ndodhë pa vonesa.

“Tash kur për shembull buxheti është i ndarë për 100 inspektorë të rinj, administrata ose njerëzit kompetent nuk janë duke bërë këtë, edhe pse punëtorët po vuajnë. Inspektorati i Punës aktiv i ka 28 inspektor dhe edhe po të duan nuk munden me bë punë më shumë, sepse janë diku mbi 11 ligje që këta duhet të mbikëqyrin”, tha ai.

Shtimi i numrit të inspektorëve të punës ishte premtim elektoral i partisë në pushtet dhe tani kryeministrit, Albin Kurti, i cili kishte thënë se gjatë mandatit të tij synon pesëfishimin e inspektorëve me qëllim të garantimit të të drejtave të punëtorëve dhe përmirësimit të kushteve të punës.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë