Rukiqi: Qeveria është zotuar se kjo do të jetë mbyllja e fundit

Rukiqi: Qeveria është zotuar se kjo do të jetë mbyllja e fundit
Herolind Bytyçi

06.04.2021 / Lajme

Masat e reja për luftimin e coronavirusit edhe kësaj radhe pritet të godasin mjaft shumë sektorin e gastronimosë, por edhe sektorë tjera.

Kryetari i Odës Ekonomike të Kosovës, Berat Rukiqi thotë se me këto masa që ka vendosur nga qeveria nuk do të preken vetëm gastronomët.

“Janë prekur transportuesit, shoqatat e bujqve, taksistët ata që shesin pemë e perime, studentët që janë punësuar si kamarierë”, tha Rukiqi.

Rukiqi thotë se qeveria është zotuar se kjo do të jetë mbyllja e fundit që është bërë në këtë formë, transmeton Indeksonline.

Ai thotë se qeveria e ka shumë të vështirë të kërkojë respektimin e masave pasi vet nuk kanë respektuar masat.

“Vendimet i qëndrojnë kohës varësisht nga legjitimiteti i atyre që i kërkojnë ato vendime. Në këtë rast asnjëra prej partive politike nuk i kanë respektuar masat anti-COVID”, deklaroi Rukqi.

RAPORTO