Rekord i ri ekonomik: Qarkullimi i bizneseve në Kosovë arrin 10.7 miliardë euro

02.08.2025

Ministri në detyrë i Financave, Hekuran Murati, ka bërë të ditur se qarkullimi i bizneseve për gjashtëmujorin e parë të vitit 2025 ka arritur në 10.7 miliardë euro, duke shënuar një rekord të ri.

Kjo paraqet një rritje prej 10.3% krahasuar me periudhën e njëjtë të vitit të kaluar, kur kjo shifër ishte 9.7 miliardë euro.

Murati thekson se Qeveria është përkujdesur të rrisë mbështetjen për bizneset nëpërmjet një sërë masash, përfshirë:

  • Përmirësimin e qasjes në financa përmes rritjes së kapitalit në Fondin për Garanci Kreditore
  • Subvencionimin e punësimit të të rinjve përmes programit Superpuna
  • Subvencionimin e kredive investive
  • Rritjen e mbështetjes për sektorin e bujqësisë
  • Rritjen e fuqisë blerëse të familjeve përmes rritjes së pagave, pensioneve dhe shtesave për fëmijë
  • Pagesën me kohë dhe pa vonesa të faturave dhe detyrimeve ndaj bizneseve

Sipas Muratit, këto të dhëna zyrtare janë dëshmi e qartë që hedhin poshtë pretendimet e pavërteta të cilat, siç u shpreh ai, shpesh i dëgjojmë nga disa portale dhe studio televizive.