Raportohet se Gjykata Speciale e Hagës e ka liruar Hysni Gucatin

Ushtruesi i detyrës së Kryetarit të OVL-UÇK’së, Faton Klinaku ka deklaruar se Hysni Gucati do të lirohet.

Dje kam biseduar me avokatët dhe më kanë treguar që është marrë vendimi për lirimin e Hysni Gucatit. Ai pritet të vije në Kosovë javën e ardhshme”, ka thënë Klinaku për T7.

Dhomat e Specializuara i shpallën fajtorë Hysni Gucatin dhe Nasim Haradinajn për pengim të administrimit të drejtësisë, duke i dënuar me nga katër vjet e gjysmë burgim dhe me një gjobë prej 100 eurosh.

Në dënim do të llogaritet edhe koha e kaluar në paraburgim. Ata gjenden në paraburgim prej shtatorit të vitit 2020.