Hoti: Qeveria e re do t’i ketë 16 ministri

LDK me partnerët, AAK-në, Nisman, AKR-në, Listën Serbe dhe partitë nga minoritetet tjera joshumicë janë pajtuar që Qeveria e re t’i ketë 16 ministri.

Këtë e ka thënë mandatari për kryeministër, Avdullah Hoti, gjatë një konference pas një takimi të Kryesisë së LDK-së.

“Qeveria do të ketë 16 resorë. Kemi bërë një riorganizim për të ruajtur funksionalitetin e Qeverisë. Të ministria e ekonomisë janë bërë ndryshimet”, ka thënë Hoti.

Ai ka theksuar se tash për tash nuk i ka të gjithë emrat e ministrave në ekzekutivin që do ta drejtojë.

“Nuk i kam emrat, ata që janë bërë publik i keni parë. Ka pasë letër këmbim për parimet e qeverisjes, mes Isa Mustafës dhe Ramush Haradinajt. Bashkë me partnerët do ta prezantojmë kabinetin qeverisës”.

© SuharekaOnline. Të gjitha të drejtat janë të rezervuara.