Pupovci: I kemi bërë të gjitha përgatitjet për fillimin e vitit shkollor

  • 29.08.2022
Pupovci: I kemi bërë të gjitha përgatitjet për fillimin e vitit shkollor

Ministria e Arsimit ka theksuar se janë bërë të gjitha përgatitjet për fillimin e vitit shkollor 2022/2023.

Sipas zëvendësministrit të Arsimit, Dukagjin Pupovci, mësimi do të fillojë më 1 shtator, ndërsa nuk dihet nëse do të nisë në këtë datë për shkak të grevës edhe në sektorin e arsimit. Ndërkohë, njohësit e arsimit thonë se duhet të gjenden forma të tjera sindikale për të shprehur pakënaqësitë.

Ministria e Arsimit në bashkëpunim me të gjitha drejtoritë komunale të Arsimit, kanë bërë të ditur se çdo gjë është gati për fillimin e procesit mësimor, përveç në disa shkolla të cilat janë në përfundim të renovimeve.


Zëvendësministri i Arsimit, Dukagjin Pupovci, ka thënë për Radio Kosovën, se përgatitjet janë bërë që mësimi të fillojë më 1 shtator, ndërsa për grevën e mësimdhënësve ai theksoi se veprimet për ndërprerjen e procesit mësimor nuk kanë arsyetim.

 “Po, mund të konfirmoj se janë bërë të gjitha përgatitjet e nevojshme për fillimin e procesit mësimor. Natyrisht, Sindikata gëzon të drejtën e garantuar ligjore për organizim dhe reagim sindikal, por nuk mund të cenoj edhe të drejtat e nxënësve për shkollim. Këto dy çështje duhet të balancohen dhe sigurisht të gjenden forma të tjera të shprehjes së pakënaqësisë, përveç të pengimit të procesit mësimor”, tha ai.

Për paralajmërimet e grevës në sistemin arsimor, njohësi i çështjeve të arsimit, Rinor Qehaja nga Instituti EdGuard, tha për Radio Kosovën se cikli i vazhdueshëm i këtyre paralajmërimeve është shpërqendruese për komunitetin arsimor.

 “Me Ligjin e ri të Pagave, vërehet një përkushtim institucional karshi profesionit të mësimdhënies dhe rritjes në pagë. Besoj se kjo do të ishte e mjaftueshme që ndërprerja e procesit mësimor të mos konsiderohej, por kërkesat e tjera sindikale të arriheshin të negocioheshin me forma të tjera të reagimit sindikal”, tha ai.

Ndërkohë, sa u përket teksteve shkollore, ato tashmë janë shpërndarë nëpër shkolla. Zëvendësministri i Arsimit, Dugagjin Pupovci, ka bërë të ditur se kostoja e teksteve këtë vit është më e lartë, rreth 15 milionë euro, për shkak të faktit se të gjitha janë tekste të reja.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë