Pandemia mbylli rreth 3000 biznese në Kosovë
Masat anti-COVID kanë prekur ekonominë familjare, bizneset e shumë gjëra të tjera që ende punohet për t’i rikuperuar dëmet ekonomike. Pandemia COVID-19 ka ndikuar që në vendin tonë të mbyllen edhe shumë biznese, si shkak i mosqarkullimit të këtyre ndërmarrjeve. Në dy vitet e fundit, pandemia ndikoi që të mbyllen rreth 3000 biznese në Kosovë, […]
Masat anti-COVID kanë prekur ekonominë familjare, bizneset e shumë gjëra të tjera që ende punohet për t’i rikuperuar dëmet ekonomike.
Pandemia COVID-19 ka ndikuar që në vendin tonë të mbyllen edhe shumë biznese, si shkak i mosqarkullimit të këtyre ndërmarrjeve.
Në dy vitet e fundit, pandemia ndikoi që të mbyllen rreth 3000 biznese në Kosovë, ku vetëm në vitin 2021 u shuan 1,519 biznese.
Po ashtu, përpos faktorit të pandemisë që ndikuan në shuarjen e shumë bizneseve, sipas ekespertëve të ekonomisë, faktor tjetër që ka ndikuar është edhe ajo e mungesës së ofertës më të favorshme për të bërë biznes.
Bizneset që kanë ushtruar veprimtari në sektorin e tregtisë me shumicë dhe pakicë janë me numrin më të madh të mbylljes, kështu duke u pasuar nga sektori i hotelerisë dhe akomodimit, si dhe industria përpunuese.
Gjithashtu, edhe bizneset në fushën e ndërtimit figurojnë në listën e bizneseve të falimentuara.
Në Ministrinë e Industrisë dhe Tregtisë tregojnë për KosovaPress se gjatë vitit 2020 kanë falimentuar 1346 biznese, ndërkaq më 2021 janë shuar 1519 ose 173 më shumë se në vitin 2020.
“Arsyeja e shuarjeve është kryesisht shuarje vullnetare”, thuhet në një përgjigje me shkrim nga Ministria e Industrisë, Ndërmarrësisë dhe Tregtisë.
Kryetari i Bordit të Odës së Afarizmit të Kosovës, Skënder Krasniqi thekson se si rezultat i performancës së dobët ekonomike të bizneseve në vend, është rritur në vazhdimësi numri i kompanive të shuara.
Krasniqi shpreson se Qeveria e Kosovës do të miratojë një pako mbështetëse për bizneset si rrjedhojë edhe krizës energjetike në vend.