Ndalimi i qytetarëve të Kosovës, Serbia arsyetohet se po kryhen kontrolle për të rritur sigurinë e qytetarëve
Ministria e Punëve të Brendshme të Serbisë ka deklaruar se dje janë ndaluar katër policë të Kosovës, njëri prej të cilëve është arrestuar.
Foto: Ilustrim
“Katër pjesëtarë të Policisë së Kosovës janë ndaluar, njëri është arrestuar – zëvendësdrejtori i Policisë së Kosovës”, ka thënë MPB-ja e Serbisë.
Ata janë ndaluar gjatë kontrollit në vendkalime, për shkak të kontrolleve të sigurisë, ka shtuar MPB-ja.
Pas arrestimit të katër anëtarëve, zëvendësdrejtori, Dejan Jankoviq, është arrestuar për të vërtetuar faktet dhe kontrollet e nevojshme lidhur me sigurinë e Republikës së Serbisë, kanë thanë nga MPB e Serbisë
Ministria e Punëve të Brendshme e Serbisë më herët hodhi poshtë pretendimet e zyrtarëve dhe institucioneve të Kosovës për ndalimin e autobusëve me targa të Kosovës në kufirin ndërmjet Serbisë dhe Kroacisë, duke theksuar se policia nuk ka ndaluar asnjë nga qytetarët dhe as nuk i ka penguar ata të hyjnë apo kalojnë përmes.
Ministria sqaron se është duke u bërë kontroll i shtuar i të gjithë pasagjerëve në pikat kufitare dhe se po kryhen kontrolle të sigurisë për të rritur sigurinë e qytetarëve, gjë që sipas tyre mund të shkaktojë qëndrim më të gjatë në pikën kufitare.
