Nagavci: Viti i ri shkollor 2023/24 fillon më 1 shtator, nxënësit do të kenë edhe pushim vjeshtor

Ministrja  e Arsimit, Arbërie Nagavci në konferencë për medie ka folur për punët e deritanishme të këtij dikasteri.

Nagavci ka konfirmuar se viti i ri shkollor do të fillojë më 1 shtator dhe se tashmë kanë finalizuar kalendarin e vitit të ri shkollor 2023/24.

“Kemi finalizuar kalendarin vitit ri shkollor 2023/24. Sipas udhëzimit administrative, viti ri shkollor fillon më 1 shtator. Risi është se do të kemi edhe pushimi vjeshtor, në mënyrë që të kemi balancim mes ngarkesës së fëmijëve gjatë gjithë vitit të ri shkollor”, ka deklaruar Nagavci.

Ndërsa, për tekstet shkollore, Nagavci tha se gjatë kësaj jave do të japin detaje lidhur me furnizimin e shkollave me tekste shkollore, teksa shtoi se tekstet duhet të jenë cilësore.

Në konferencën e thirrur për media, Nagavci po ashtu tha se tashmë kanë ndarë mjetet për blerjen e teksteve shkollore për nxënësit në Luginë.