Murati: Tatimi në pronë do të faturohet për herë të parë pas 25 vitesh në 4 komunat veriore
Ministri i Financave, Punës dhe Transfereve, Hekuran Murati, ka bërë të ditur përmes një postimi në Facebook se, pas faturimit të energjisë elektrike, këtë vit do të nisë edhe faturimi i tatimit në pronë për katër komunat veriore të vendit.
Kjo do të ndodhë për herë të parë pas 25 vitesh.
“Pas faturave të energjisë elektrike, sivjet do të faturohet edhe tatimi në pronë për 4 komunat veriore të vendit. Për herë të parë pas 25 vitesh,” ka shkruar Murati në postimin e tij.
Ministri ka falënderuar stafin e Ministrisë së Financave, Punës dhe Transfereve, si dhe stafin e komunave përkatëse për angazhimin dhe përkushtimin në realizimin e kësaj arritjeje të rëndësishme.
Ky vendim pritet të ketë ndikim të drejtpërdrejtë në rritjen e të ardhurave komunale dhe të kontribuojë në forcimin e funksionimit të institucioneve lokale në këto zona.
