Muaji i Ramazanit fillon të enjten, ky është orari i agjërimit në Kosovë

Ramazani, një nga muajt më të rëndësishëm i myslimanëve, në Kosovë do të nis këtë të enjte, pra më 23 mars.

Sipas traditës islame, Ramazani është muaji kur vargjet e para të Kur’anit, iu shpallën Profetit Muhamed më shumë se 1,400 vjet më parë dhe përfshinë agjërimin.

Nata e saktë e shpalljes është objekt debati mes dijetarëve, por besohet se është një nga datat me numër tek gjatë dhjetë ditëve të fundit të muajit.

Me agjërim kuptohet abstenimi nga ngrënia apo pirja, e shumë gjërave të tjera gjatë orëve të ditës për të arritur shpërblimin e Zotit.