Hovenier: Drafti-statuti i Asociacionit në përputhje me Kushtetutën, nuk do të ketë kompetenca ekzekutive

09.11.2023 Lajme

Ambasadori i Shteteve të Bashkuara të Amerikës, Jeffrey Hovenier, ka deklaruar se draft-statuti i Asociacionit të komunave me shumicë serbe është në përputhje me Kushtetutën e Kosovës dhe nuk do të ketë kompetenca ekzekutive.

Këtë deklarim ai e ka bërë të enjten në një adresim para mediave, ku ka folur lidhur me draft-statutin e Asociacionit, të prezantuar ditë më parë nga Bashkimi Evropian, ku prezentë ishin edhe SHBA-të.

Pse të shkojmë tek mjeku kur ndihemi mirë?!

Ai ka thënë se i njëjti mund të shqyrtohet edhe nga Gjykata Kushtetuese e Kosovës.

“Draft-statuti është prezantuar nga Bashkimi Evropian me prezentë të Shteteve të Bashkuara të Amerikës. Është konsideruar që është në respektim të plotë më Kushtetutën e Kosovës. Qëndrimi ynë është që duhet të jetë konsistent me Kushtetutën e Kosovës, nuk duhet të kërkohet ndryshmi i Kushtetutës, nuk do të ketë autoritet ekzekutiv. Ne besojmë se ky draft-statut i përmbush të gjitha këto kritere”, ka thwnw ambasadori amerikan.

#Draft-statuti #Jeffrey Hovenier

Sigurimi Internacional

Ofertë speciale

Asociacioni pika e ‘nxehtë’ mes Kosovës dhe Serbisë: Krejt çka tha ambasadori amerikan për draftin e shumëpërfolur

Ambasadori amerikan në Kosovë, Jeffrey Hovenier, të mërkurën doli në një konferencë për media, ku foli për dialogun Kosovë – Serbi dhe çështjen që po shihet si pikë e nxehtë e këtij procesi, formimin e Asociacionit të komunave me shumicë serbe, për çka tashmë është propozuar një draft statut, që sipas SHBA-së përmbush të gjitha kriteret që i parashohin ata.

Hovenier ka thënë se fjalën e fundit për këtë draft duhet ta japë Gjykata Kushtetuese e Kosovës dhe një prej dispozitave të draftit është se ai do të analizohet nga kjo gjykatë.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Por sipas toij, “e gjithë histeria lidhur me kushtetutshmërinë, nuk na duket me vend, sepse është bërë punë me kujdes në hartim të draftit”.

“Duhet të jetë në përputhje me Kushtetutën aktuale të Kosovës. Nuk duhet të kërkohen ndryshime kushtetuese. Duhet të jetë në përputhje me vendimet e Gjykatës Kushtetuese. Nuk duhet të ketë kompetenca ekzekutive. Nuk duhet të ketë nivel shtesë të pushtetit. Ne besojmë se ky draft, që i është dorëzuar Qeverisë së Kosovës, i përmbush të gjitha këto kritere, dhe besojmë se është shkruar në një mënyrë që është në përputhje me Kushtetutën e Kosovës”.

“Jam habitur me numrin e njerëzve që e kanë interpretuar një draft-statut që nuk e kanë parë. Është trik goxha mbresëlënës. Në fund të ditës, ata që nuk e kanë parë dokumentin, nuk kanë shumë bazë të komentojnë mbi të”.

Propozimi i zyrtarëve perëndimorë për formim të Asociacionit të komunave me shumicë serbe në Kosovë, u është prezantuar kryeministrit të Kosovës, Albin Kurti dhe presidentit serb, Aleksandar Vuçiq, më 21 tetor nga përfaqësuesit e Shteteve të Bashkuara (SHBA), Bashkimit Evropian (BE), Francës, Gjermanisë dhe Italisë.

Hovenier është pyetur edhe nëse ekzistojnë afate kohore për zbatim të këtij draft-statuti.

Ai ka thënë se duhet vlerësuar angazhimin e madh të zyrtarëve më të lartë të vendeve evropiane për këtë proces, përfshirë kancelarin gjerman, Olaf Scholz, presidentin francez, Emmanuel Macron dhe kryeministren italiane, Giorgia Meloni.

“Ata i përdorin shprehjet ‘urgjente’, ‘sa më shpejt që është e mundur’, e të ngjashme. Ekziston një urgjencë, ka kërkesë që gjërat të lëvizin shpejt. Qeveria e Kosovës nuk ka arsye për të mos ecur përpara me këtë draft-statut. Kryeministri ka thënë se ka gatishmëri që ta pranojë në tërësi, javë më parë. Edhe ne po punojmë që kjo gjë të bëhet në kuadër të strategjisë sonë më të gjerë. Nuk ka të bëjë vetëm me Asociacionin, ka të bëjë me zbatimin e plotë të të gjitha obligimeve që i kanë Kosova dhe Serbia në Marrëveshjen Bazë dhe aneksin e Ohrit. Këtë dëshirojmë ta shohim”, ka thënë mes tjerash Hovenier.

Haradinaj ia konfirmon ambasadorit Hovenier mbështetjen për Planin franko-gjerman

Kryetari i Aleancës për Ardhmërinë e Kosovës, Ramush Haradinaj, ka pritur sot në takim Ambasadorin amerikan në Kosovë, Jeffrey Hovenier, me të cilin ka diskutuar për zhvillimet e fundit në vend.

Haradinaj ka thënë se ambasadorin Hovenier e ka falënderuar për angazhimin e tij dhe të ShBA-ve për mbështetjen e vazhdueshme ndaj Kosovës.

I vetmi në Ballkanin Perëndimor, ISEFERI sjellë ekskluzivitetin e produkteve amerikane

“E konfirmova qëndrimin e Aleancës në mbështetje të Planit Franko-Gjerman duke theksuar se ky plan duhet që Kosovës t’i mundësojë rrugën e njohjes nga Serbia, anëtarësimin në NATO dhe organizatat tjera ndërkombëtare”, ka shkruar Haradinaj në Facebook.

Ndryshe, ambasadori amerikan në Kosovë, Jeffrey Hovenier, ka thënë të enjten se draft-statuti që i është propozuar Kosovës për formim të Asociacionit të komunave me shumicë serbe, përmbush të gjitha kriteret që i parashohin Shtetet e Bashkuara për të.

Hovenier ka thënë para mediave se, megjithatë, fjalën e fundit për këtë draft duhet ta japë Gjykata Kushtetuese e Kosovës dhe një prej dispozitave të draftit është se ai do të analizohet nga kjo gjykatë.

Për Hovenierin “e gjithë histeria lidhur me kushtetutshmërinë, nuk na duket me vend, sepse është bërë punë me kujdes në hartim të draftit”.

I pyetur pse drafti nuk është bërë publik, ai ka thënë se nuk ka asgjë sekrete, mirëpo këto janë vetëm çështje diplomatike në të mirë të procesit.

Ndërsa, Haradinaj duke folur edhe për takimet e fundit në Bruksel në kuadër të dialogut Kosovë-Serbi, ditë më parë ka deklaruar se kryeministri Albin Kurti e ka vendosur Kosovën në pozicionin e duhur.

“Kurti e vendosi Kosovën në pozicionin e duhur. BE duhet t’i heq sanksionet. Qeveria ka marrë vendim për zbatimin e marrëveshjes, prandaj duhet BE t’i heqë sanksionet. Besoj presidenti francez ndjehet mirë, Kosova e ka mbajtur fjalën”, pohoi ai, në seancën e Kuvendit.

Hovenier: Serbia ka hyrë në obligime dhe ka bërë premtim të bëjë ashtu, siç ka bërë Kosova!

Ambasadori i SHBA-së në Prishtinë, Jeff Hovenier, në një intervistë për “Atlantic Council” ka folur për dialogun Kosovë-Serbi.

Hovenier ka thënë se për SHBA-në është çështje e mbyllur nëse Marrëveshja Bazike, Aneksi dhe marrëveshjet paraprake janë obligative.

Fjala e fundit e teknologjisë zbarkon në Fabrikën e Mobileve “TE NASERI”

“Për SHBA-në çështja nëse këto çështje janë obligative për Kosovën dhe Serbinë është e kryer. Është thënë në kohën kur është arritur Marrëveshja Bazike, është thënë për Aneksin e implementimit dhe për gjitha parapraket e miratuara, se këto janë obligime në të cilat kanë hyrë të dy shtetet”, ka thënë ambasadori amerikan.

Ai ka thënë se Marrëveshja Bazike është përfshirë edhe në konkluzat e një prej takimeve të Këshillit të Bashkimit Evropian dhe se një veprim i tillë s’është gjë e vogël.“BE ka përfshirë tekstin e Marrëveshjes Bazike në konkluzat e një prej takimeve të Këshillit të BE-së dhe kjo është një gjë e madhe”, ka potencuar diplomati amerikan.

Ai ka folur edhe për kërkesën e kryeministrit Albin Kurti për t’i nënshkruar marrëveshjet. Hovenier thotë se e kuptojnë dëshirën e Kurtit për të pasur më shumë siguri se Serbia ka hyrë në këto obligime, derisa përsërit pocizionin e SHBA-së e që është se Serbia ka hyrë në obligime, sikurse që ka bërë edhe Kosova.

“Ne e kuptojmë dëshirën e kryeministrit, për të pasur një siguri më të madhe nga perspektiva e tij, se Serbia ka hyrë në këto obligime. Unë gjithçka që mund të them se cili është pocizioni ynë, dhe është që Serbia ka hyrë në këto obligime dhe ka bërë premtim të bëjë ashtu, siç ka bërë Kosova”, ka shtuar tutje Hovenier.

Ambasadori amerikan ka thënë se e shohin pak shpërqëndruese punën e nënshkrimit, në vend se të lëvizet përpara me implementimin dhe ekzekutimin nga Kosova dhe Serbia

. Hovenier thotë se një gjë të tillë e kanë thënë edhe Scholz, Macron dhe Meloni në qëndrimin e tyre pas takimeve në Bruksel, megjithatë thotë se kanë përdorur term ndryshe për nënshkrimin, duke thënë se “s’duhet ngecur në formalitete”.

“Dhe mendojmë se është pak shpërqëndruese kjo puna e nënshkrimit, në vend se të lëvizet përpara me implementim dhe ekzekutim nga të dy palët. Dhe ky nuk është vetëm qëndrimi i SHBA-së. Në qëndrimin e Sholz, Meloni dhe Macron, ata folën për rëndësinë e lëvizjes përpara dhe të mos ngecet në çështje, ata përdoren term ndryshe për nënshkrimin, formalitete besoj se thanë, dhe ai mbetet qëndrimi ynë”, ka thënë ndër të tjera Jeff Hovenier.

Hovenier: Drafti-statuti i Asociacionit në përputhje me Kushtetutën, nuk do të ketë kompetenca ekzekutive

Pse të shkojmë tek mjeku kur ndihemi mirë?!

Asociacioni pika e ‘nxehtë’ mes Kosovës dhe Serbisë: Krejt çka tha ambasadori amerikan për draftin e shumëpërfolur

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Haradinaj ia konfirmon ambasadorit Hovenier mbështetjen për Planin franko-gjerman

I vetmi në Ballkanin Perëndimor, ISEFERI sjellë ekskluzivitetin e produkteve amerikane

Hovenier: Serbia ka hyrë në obligime dhe ka bërë premtim të bëjë ashtu, siç ka bërë Kosova!

Fjala e fundit e teknologjisë zbarkon në Fabrikën e Mobileve “TE NASERI”

Suharekë, rruga e lagjes “Fan Noli” vërshohet nga mbeturinat, ankohen qytetarët

[FOTO] Vetura përplaset me ujkun në autostradën Prizren-Suharekë

Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë

Ganimete Hoxha nga fshati Budakovë ka nevojë për ndihmën tuaj

Suharekë, zjarrfikësit vazhdojnë të përballen me zjarre malore

Ambient i pastër, “betonizohet” rruga në Zonën Industriale

Zjarr mbi fshatin Sallagrazhdë

Kapen me marihuanë, arrestohen 4 të rinj në Suharekë

Aksident në autostradë në drejtimin Suharekë-Prizren, raportohet për të lënduar

Aksident në autostradë në drejtimin Suharekë-Prizren, një person i lënduar rëndë