Gjykata Supreme miraton kërkesën e KDI-së për kompensimin e udhëtimeve zyrtare të FSK-së

Sipas njoftimit të publikuar në rrjetin social Facebook nga KDI, një grup ushtarësh të Forcës së Sigurisë së Kosovës i është drejtuar organizatës për ndihmë ligjore, pasi nuk po kompensoheshin për udhëtimet jashtë vendit kur shërbenin për më shumë se një muaj.

“Pas shqyrtimit të rastit, KDI ka gjetur se rregullorja në fuqi i vendoste ata në një pozitë të padrejtë. Gjykata Supreme tani e ka vërtetuar këtë, duke konfirmuar se rregullorja kishte tejkaluar ligjin dhe duhej ndryshuar. Ky vendim është një hap i rëndësishëm për drejtësi dhe trajtim të drejtë të ushtarëve tanë, dhe një dëshmi e ndikimit që mund të ketë raportimi i qytetarëve dhe puna jonë për llogaridhënie”, thuhet në njoftim.

Ky vendim nënvizon rëndësinë e mbrojtjes së të drejtave të ushtarëve dhe rolin e KDI-së në monitorimin e zbatimit të ligjeve dhe rregulloreve që prekin shërbimet publike dhe institucionet e sigurisë në Kosovë.