Instituti Hidrometerologjik i Kosovës (IHMK) përmes një njoftimi për media, ka bërë të ditur se gjatë kësaj jave në vendin tonë do të mbajë mot me diell dhe vranësira të shpërndara.

Po ashtu, nga IHMK-ja kanë njoftuar se të premten parashihen vranësira të dendura të cilat gjatë pjesës së dytë të ditës vende-vende do të shoqërohen me reshje shiu.

Temperaturat minimale do të lëvizin ndërmjet 10-15 gradë Celsius, ndërsa maksimalet e ditës parashihen të lëvizin ndërmjet 23-30 gradë Celsius.

Kushtet biometeorologjike do të jenë relativisht të mira. Do të fryjë erë nga perëndimi dhe verilindja e lehtë deri mesatare.