Komuna e Suharekës e anuloi tenderin në mungesë të mjeteve, operatori ekonomik ankohet në OSHP
Më datën 24 dhjetor 2024 Komuna e Suharekës, përkatësisht zyra e prokurimit ka anuluar aktivitetin tenderues për blerjen e paisjes për matje gjeodezike.
Sipas arsyetimit deri te ky vendim ka ardhur sepse nuk ka mjete financiare për këtë aktivitet, pasiqë mjetet janë shpenzuar nga vendimet e gjykatave përmbarimore.
Mirëpo, me këtë vendim nuk pajtohet operatori ekonomik DWH Kosova, i cili edhe më parë kishte deponuar ankesë në OSHP për të njëjtën procedurë.
Sipas ankesës së OE të deponuar në gjykatën e tenderëve thuhet se “AK e ka anuluar tenderin, sepse fondi i tenderit është përdorur për shërbime/mallra të tjera. Në LPP nuk parashihet nje motiv i tillë.
Jo vetëm kaq, por miratimi i fondit ka një procedurë të mirëfilltë, e cila përfundon me miratimin
e Ministrit të Financave. Ky fond i dedikuar nuk mund te ndryshohet pa miratimin e ministrit të
financave, gjë që nuk ka ndodhur. Ka edhe një motiv tjetër, që flet kundër AK. Ky fond, sipas AK, është përdorur për të paguar një mall/shërbim tjetër, të marrë nga AK, por te papaguar me fondin e dedikuar te
mallit/sherbimit të papaguar. Përndryshe nuk do të mund të ndërhynte përmbarimi. Ky fakt hedh dyshime shumë më të mëdha për legjitimitetin e AK“.
Tutje DWH Kosova kërkon nga OSHP të shprehet për mungesën e këshillës jurdike ku sipas pretendimeve të tyre vendimi i AK pa numër(?!), i datës 24.12.2024 është pa këshillë juridike, cka përbën një shkelje të rëndë në (mos)komunikimin konform ligjit nga ana e AK. Kjo shkelje, bazuar edhe në sjelljen e AK, tregon, që është bërë me ndergjegje të plotë, sepse vendimet e kanë pjese të pandarë këshillën juridike. Heqja e këshillës juridike, tregon, që AK nuk ka si orientim dhe bazë ligjin, por interesa të vogla, që bien ne kundershtim me ligjin.