Semetisht: Arrestohet një person pas të shtënave me armë në aheng familjar

Rasti ka ndodhur më 31 korrik 2026, rreth orës 10:50. Pas pranimit të informatës për të shtëna me armë, njësitet policore kanë dalë në vendin e ngjarjes, ku kanë hasur të dyshuarin mashkull kosovar.

Sipas Policisë, i dyshuari ka pranuar se kishte shtënë me armë gjatë ahengut familjar. Gjatë kontrollit, tek ai është konfiskuar një pistoletë me gaz, një fishek dhe pesë gëzhoja.

I dyshuari është arrestuar dhe, pas intervistimit në polici, me vendim të prokurorit është dërguar në mbajtje.

Rasti është iniciuar si “Shkaktim i rrezikut të përgjithshëm”.