Ndërpritet sërish seanca konstituive e Kuvendit, vazhdon të premten në ora 11:00

Kryetarja e Kuvendit, Albulena Haxhiu, njoftoi se seanca do të vazhdojë të premten, më 11 shtator, në orën 11:00.

Gjatë seancës pati përplasje verbale lidhur me një deklaratë të mëhershme të deputetit serb, Igor Simiq. Haxhiu i kërkoi atij që ta tërhiqte deklaratën, duke thënë: “Popull serb ka vetëm në Serbi, tërhiqeni deklaratën”.

Seanca ishte ndërprerë edhe më herët për shkak të mospajtimeve mes deputetëve lidhur me mënyrën e votimit për nënkryetarët e Kuvendit.

Kështu, konstituimi i plotë i Kuvendit mbetet ende i papërfunduar dhe procedurat pritet të vazhdojnë të premten.