Pavarësisht pandemisë, Komuna e Suharekës gjatë 2020’s shpenzoi mbi 20 mijë euro për dreka zyrtare

Janë bërë më shumë se një vit që nga paraqitja e rasteve të para të infektimeve me COVID-19 në Kosovë, ku si pasojë e kësaj pandemie shkollat u mbyllen, njëashtu bizneset e shumë tjera gjë që ka bërë që të shënoj rënie ekonomia.

Gjatë vitit 2020 pandemia shkaktoi rënie të ekonomisë, kështu duke bërë që shumë persona të humbin edhe vendin e tyre të punës e duke shkaktuar krizë ekonomike në familje.

Por, edhe pse pandemi Komuna e Suharekës nuk i ndali drekat e darkat zyrtare.

Sipas raportit fiskal të administrimit të buxhetit të Komunës së Suharekës për vitin 2020 është shënuar rënie të inkasimit të të hyrave vetanake si pasojë e pandemisë COVID-19, me të cilën po përballemi tash e më shumë se një vit.

Pavarësisht rënies së të hyrave vetanake, Komuna e Suharekës përgjatë vitit 2020 kishte shpenzuar plotë 21.592,19 euro për dreka zyrtare.

Në bazë të raportit fiskal të vitit paraprak 2020, të siguruar nga SuharekaOnline rezulton që Zyra e Kryetarit të Komunës së Suharekës, Bali Muharremaj ka shpenzuar 2.118,40 euro për dreka zyrtare.

Shpenzime më të mëdha për dreka zyrtare në vitin e kaluar janë bërë për Shërbimet Kulturore, ku bëhet e ditur se janë shpenzuar gjithsejt 5.026,20 euro.