BE: Mbulimi mediatik rriti transparencën në zgjedhje, të njëjtën e presim në raundin e dytë
Shefi i Zyrës së BE-së në Kosovë, Aivo Orav, e ka mirëpritur zhvillimin e rundit të parë të zgjedhjeve lokale.
Foto: Kamerë për videoingjizimin, studio e mediumit SuharekaOnline
Orav, i konsideroi ato paqësore, konkurruese dhe gjithpërfshirëse.
Siç njofton Bashkimin Evropian në Kosovë, mbulimi i lirë, i drejtë dhe gjithpërfshirës mediatik kontribuoi në një proces zgjedhor transparent, duke kërkuar të njëjtën në rundin e dytë të zgjedhjeve.
“Ambasadori i BE-së, Aivo Orav, mirëpriti sot zhvillimin paqësor, konkurrues dhe gjithëpërfshirës të raundit të parë të ZgjedhjeveLokale në Kosovë me pjesëmarrjen e të gjitha komuniteteve, duke vënë në dukje se mbulimi i lirë, i drejtë dhe gjithëpërfshirës mediatik kontribuoi në një proces zgjedhor transparent, dhe se e njëjta pritet edhe në raundin e dytë”, thuhet në reagim.
