BE-ja shpreh shqetësim për rrënimin e shtëpive pranë Liqenit të Ujmanit

BE-ja ka kërkuar ndalimin e menjëhershëm të çdo rrënimi, largimi të detyruar apo marrjeje në posedim, deri në adresimin e shqetësimeve lidhur me procedurat ligjore, të drejtat pronësore dhe të drejtat e njeriut.

Po ashtu, BE-ja ka kërkuar nga autoritetet që të angazhohen pa vonesë me banorët dhe komunat e prekura, ndërsa ka theksuar se roli i Policisë së Kosovës në operacione të tilla duhet të jetë strikt brenda mandatit të saj ligjor.

Sipas BE-së, veprimet e pakthyeshme në rastet kur procedurat gjyqësore janë ende në zhvillim dhe pretendimet pronësore janë të kontestuara, ngrenë shqetësime serioze për sundimin e ligjit.