Vendimi i KQZ-së për votuesit nga diaspora, reagojnë nga LVV

Komisioni Qendror Zgjedhor, ka marrë vendimin për verifikimin e të gjithë votuesve nga diaspora, që aplikojnë për t’u regjistruar si votues në zgjedhjet e 14 shkurtit, në Kosovë.

Në vendimin e KQZ-së, thuhet do të kontaktohen prej telefonit të gjithë mërgimtarët që kanë aplikuar për t’u regjistruar si votues.

Secili mërgimtar që nuk paraqitet në telefon, atëherë ai nuk do të ketë të drejtë që të votojë në zgjedhjet e 14 shkurtit.

E lidhur me këtë ka reaguar Fitore Pacolli nga Lëvizja Vetëvendosje e cila ka thënë se ky vendim i KQZ-së është heqje e së drejtës së votës.

Artikull i sponzorizuar

Për ta transmetuar mesazhin tuaj qartë deri në fund më së miri do të ju ndihmojë artikulli i sponsorizuar ku mijëra konsumatorë potencial do ta marrin atë.

Lexo më shumë

“Vendimi i KQZ për mërgatën është heqje e së së votës. Të drejtën që ua garanton Kushtetuta e Republikës së Kosovës po ua mohon KQZ përmes procedurave jo kushtetuese e të paligjshme” ka shkruar Pacolli në facebook.

Tutje Pacolli ka thënë se e drejta e votës nuk duhet t’i mohohet askujt vetëm se nuk e hap telefonin.

“E drejta e votës nuk mund t’i mohohet askujt vetëm se nuk e kanë hapur telefonin.

Ky është shteti i kapur. Çkapja fillon me 14 shkurt e këtë e kanë të vështirë ta pranojnë prandaj vendosin kritere antikushtetuese.

Mërgata nuk ndalet” ka shkruar Pacolli.

RAPORTO