Tashmë ka filluar procesi i votimit me postë, ku bashkatdhetarët tanë do ta kenë mundësinë të votojnë të përzgjedhurit e tyre për zgjedhjet e parakohshme të 14 shkurtit.

Përmes një njoftimi Zyra për Regjistrimin e Partive Politike dhe Certifikim e Komisionit Qendror të Zgjedhjeve ka bërë të ditur se gjatë ditës së sotme do të pranojnë pakot e para të supozuara me fletëvotime.

Sipas njoftimit të kësaj këto pako do të jenë në përcjellje të Policisë së Kosovës, ku pastaj do të vendosen në hapësirën e ruajtjes në ndërtesën e Ministrisë së Infrastrukturës.

“Këto pako të përcjellura nga Policia e Kosovës, pastaj do të vendosen në hapësirën e ruajtjes, e cila gjendet në ndërtesën e Ministrisë së Infrastrukturës në rrugën ‘Fehmi Agani’ në Prishtinë”, thuhet në njoftimin e Zyrës për Regjistrimin e Partive Politike dhe Certifikim.

Po ashtu në këtë njoftim ftohen partitë politike si dhe organizatat të cilat kanë vëzhgues të akredituar të vëzhgojnë procesin.