Drita bën hap të sigurt drejt titullit, mposht Suharekën në udhëtim
Drita ka hedhur edhe një hap të madh drejt titullit të kampionit në Superligën e Kosovës në futboll. Gjilanasit kanë triumfuar në transfertë ndaj Suharekës me rezultatin e ngushtë 1-2, në ndeshjen e luajtur të dielën në kuadër të javës së 30-të.
Ndeshja mes këtyre dy skuadrave ofroi një sfidë interesante dhe luftarake, me disa momente të rrezikshme nga të dyja palët dhe tre gola të shënuar.
Ishte Rron Broja ai që zhbllokoi rezultatin për Dritën në minutën e 21-të, duke i dhënë epërsinë ekipit nga Gjilani. Megjithatë, Suhareka nuk u dorëzua dhe arriti të barazonte shifrat në minutën e 42-të me anë të Kodrës, duke e mbyllur pjesën e parë në barazim 1-1.
Në pjesën e dytë, Drita tregoi karakterin e kampionit dhe arriti të shënojë golin e fitores në minutën e 81-të. Ishte ukrainasi Denys Kostyshyn ai që realizoi, duke i siguruar tre pikë të çmuara ekipit të tij.
Me këtë fitore, Drita forcon pozitat në krye të tabelës së Superligës me 66 pikë, duke e rritur në 13 pikë diferencën me ndjekësin e parë, Ballkanin. Nga ana tjetër, Suhareka mbetet në pozitën e parafundit me 33 pikë, duke e komplikuar luftën për mbijetesë në ligë.
Etiketat
Nora Gjakova zgjidhet anëtare e Komisionit të Sportistëve në Federatën Ndërkombëtare të Xhudos
Sport para 2 dite
Kryeministri Kurti pret në zyrë Amir Rrahmanin – “Kapiteni ynë, kampion i Italisë, shembull për të rinjtë”
Sport para 4 dite
