Presidenti i FC Suharekës jep dorëheqje: “Mbështetja ime për klubin nuk do të mungojë asnjëherë”

Në një mesazh falënderues drejtuar anëtarëve, lojtarëve, stafit teknik, administratës dhe tifozëve, ai theksoi se vendimi nuk ka qenë i lehtë, pasi FC Suhareka ka zënë një vend të veçantë në jetën e tij.

“Jam krenar për gjithçka që kemi arritur së bashku dhe mirënjohës për besimin, bashkëpunimin dhe mbështetjen që kam marrë nga secili prej jush,” thuhet në reagimin e tij.

Ai shtoi se, pavarësisht largimit nga posti i presidentit, do të vazhdojë ta mbështesë klubin sa herë që të jetë e nevojshme.

Në fund të mesazhit, ish-presidenti i uroi FC Suharekës suksese në të ardhmen dhe i dëshiroi punë të mbarë udhëheqësisë së re, duke theksuar se ajo do ta ketë gjithmonë mbështetjen e tij.