Të hyrat vetanake në Suharekë gjatë majit, mbi 22 mijë € vetëm nga taksat për biznese

Ligji për Financat e Pushtetit Lokal përcakton se burimet e të hyrave komunale përveç grantëve qeveritare përbëhen edhe nga të hyrat vetanake, të cilat mblidhen nga komunat në emër të shërbimeve të ofruara për qytetarët.

Të hyrat vetanake të komunave nga tatimet dhe taksat përbëjnë shtyllën kryesore prej së cilës varet qëndrueshmëria financiare e një komune, ato kontribuojnë në shtimin e buxhetit të një komune dhe si të tilla përbëjnë burim të rëndësishëm të të ardhurave komunale.

Sipas raportit mujor të të hyrave vetanake të Komunës së Suharekës figuron se këto të hyra kanë shënuar rënie në muajin maj në krahasim me muajin prill të këtij viti.

Kësisoj shuma totale e të hyrave kap vlerën 176,318.30 euro ku më së shumti të hyra janë inkasuar nga tatimi në pronë, gjithsej 98,316.30 euro.

Kujtojmë se edhe i pari i Komunës së Suharekës, Bali Muharremaj kishte bërë të ditur se ka rënie në të hyrat vetanake si pasojë e situatës së krijuar nga pandemia.