Sulmi i doktoreshës në QKMF, reagon Drejtoresha e Shëndetësisë në Suharekë, Besa Kuqi

Sigurimi Internacional

Ofertë speciale

Në mbrëmjen e së enjtës SuharekaOnline, raportoi eksluzivisht për një sulm fizik ndaj një doktoreshe, i cili ndodhi në Qendrën Kryesore të Mjekësisë Familjare “Rexhep Kuçi” në Suharekë.

Sipas burimeve të redaksisë thuhej se në mbrëmjen e së enjëtes është sulmuar fizikisht një doktoreshë K.B (emër i njohur për redaksinë) në QKMF-Suharekë, e cila ishte në orarin e punës.

Lidhur me këtë rast ka reaguar edhe Drejtoresha e Shëndetësisë dhe Mirëqenies Sociale në Suharekë, Besa Kuqi, e cila përmes një shkrimi ka thënë se e dënon ashpër sulmin ndaj stafit mjekësor, duke kërkuar njëkohësisht edhe sjelljen e personit (femër) para drejtësisë, e cila e ka kryer këtë vepër të ultë.

Kuqi tutje shton se dhuna ndaj mjekëve nuk duhet toleruar.

“Sapo u Informova nga kordinatori i QKMF-së se dje është sulmuar njëri nga mjekët në Qendrën e Mjekësisë Famijare “Rexhep Kuçi” në Suharekē. E dënoj ashpër sulmin ndaj stafit mjekësor, duke kërkuar njëkohësisht edhe sjelljen para drejtesise të atij që e ka kryer këtë veper te ultë.

Dhuna ndaj mjekeve nuk duhet toleruar, per këtë arsye është e nevojshme qe mjekët dhe punonjësit shëndetësor te kenë status te veqantë, i cili do ti sankisononte juridikisht kto incidente, me qëllim qe raste te tilla te mos trajtohen ne te ardhmen si sulme te thjeshta!” ka shkruar Kuqi.

Rikujtojmë se doktoresha K.B u sulmua nga vajza e një pacientës e cila sipas viktimës kishte pasur sjellje jo të mira dhe i kishte marr recetën e terapisë me dhunë nga dora, duke e kap për krahu dhe duke e shtyrë.

Rasti në fjalë është raportuar edhe në Stacionin Policor në Suharekë, ku është iniciuar si “Sulm”.