Suharekë, zjarrfikësit vazhdojnë të përballen me zjarre malore

Falë punës së palodhshme të zjarrfikësve të qytetit, zjarret që po përfshijnë territorin e komunës tonë po lokalizohen shpejt.

Se janë të përgatitur në çdo rast e në çdo kohë, kjo e vërteton edhe rasti i para disa ditëve, ku një zjarr i madh kishte kapluar malet në fshatin Sallagrazhdë, ku zjarrfikësit arritën që ta lokalizojnë zjarrin.

Ndërkaq, sonte në këto orë të vona një zjarr ka shpërthyer në malet në qytetin e Suharekës.

Rastin e kanë konfirmuar për SuharekaOnline nga zjarrfikësit e qytetit, ku kanë bërë të ditur se tashmë zjarri është lokalizuar.