Suharekë, rritet numri i personave me aftësi të kufizuara që marrin asistencë sociale

Agjencia e Statistikave të Kosovës (ASK) publikon Statistikat e Mirëqenies Sociale për muajin dhjetor 2022.

Ky publikim ndër tjerash ofron të dhëna për numrin e përfituesve nga skema e pensioneve për personat me aftësi të kufizuara, raporton SuharekaOnline.

Sipas të dhënave të ASK-së bëhet e ditur se në muajin dhjetor të vitit të kaluar nga skema e pensioneve për personat me aftësi të kufizuara janë regjistruar gjithsej 19.419 persona të kësaj kategorie.

Ndërsa, duke analizuar këto të dhëna bëhet e ditur se nga kjo skemë në Komunën e Suharekës në muajin dhjetor, 2022, kanë përituar 654 persona me aftësi të kufizuara.

Duke analizuar edhe më thellë të dhënat dhe duke krahasuar me muajt e kaluar të vitit paraprak rezulton se numri i personave të kësaj kategorie në Komunën e Suharekës ka shënuar rritje.