Nuk respektuan masat anti-COVID, Policia e Suharekës dënon 213 qytetarë brenda 2 jave
Policia e Kosovës në vazhdimësi është duke shqiptuar gjoba në bazë të ligjit anti COVID-19. Një gjë e tillë po bëhet e ditur nga statistikat e policisë ku pothuajse çdo ditë shqiptohen qindra të tilla. Gjoba të tilla shqiptohen edhe nga Policia e Kosovës në Suharekë për të gjithë qytetarët të cilët nuk e respektojnë […]
Foto: Ilustrim
Policia e Kosovës në vazhdimësi është duke shqiptuar gjoba në bazë të ligjit anti COVID-19.
Një gjë e tillë po bëhet e ditur nga statistikat e policisë ku pothuajse çdo ditë shqiptohen qindra të tilla.
Gjoba të tilla shqiptohen edhe nga Policia e Kosovës në Suharekë për të gjithë qytetarët të cilët nuk e respektojnë ligjin anti-COVID, ligj ky i cili ka për qëllim parandalimin e përhapjës së infeksionit me COVID-19.
Kështu ka bërë të ditur, Komandanti i Policisë në Suharekë, kapiteni Afrim Sylaj në takimin për siguri lokale, ku ndër tjerash ka treguar se gjatë dy javëve të kaluara Policia e Kosovës në Suharekë ka shqiptuar 213 tiketa në bazë të ligjit anti-COVID.
Ndër, tjerash Sylaj ka bërë të ditur se për periudhë të njëjtë kohore Policia e Kosovës në Suharekë ka shqiptuar edhe 252 tiketa për kundërvajtje në trafik.
Rikujtojmë se gjatë ditës së mërkurë janë konfirmuar 18 raste të reja me COVID-19, ndërsa në Komunën e Suharekës nuk është konfirmuar asnjë rast pozitiv me këtë virus.
