Ministri i MZHR-së viziton Suharekën, Muharremaj kërkon bashkëpunim për realizimin e planit konrekt të projekteve

Ata gjatë takimit kanë biseduar rreth bashkëpunimit në realizimin e disa projekteve të përbashkëta në mes të Komunës së Suharekës dhe Ministrisë së Zhvillimit Rajonal.

Kryetari Muharremaj me këtë rast fillimisht ka falenderuar për bashkëpunimin e deritashëm mes Komunës dhe Ministrisë dhe më pas ka prezentuar edhe Planin konkret të Projekteve që ka planifikuar të realizojë e për të cilat ka kërkuar bashkëpunim nga MZHR-ja.

Ndërkaq, ministri i Ministrisë së Zhvillimit Rajonal, Fikrim Damka është shprehur se do të vazhdojë mbështetja dhe përkrahja e projekteve që kanë të bëjnë me zhvillimin e turizmit, si dhe krijim e kushteve më të mira për qytetarët e komunës dhe bizneseve, respektivisht të projekteve socio-ekonomike.