“Jeta triumfon”, 61% më shumë lindje se sa vdekje gjatë 2024’s në Suharekë

Sipas të dhënave zyrtare, gjatë vitit 2024 janë regjistruar 153 raste vdekjeje dhe 394 lindje. Këto shifra paraqesin një tablo të ndërlikuar, ku bashkëjetojnë sfida dhe shpresa për të ardhmen.

Duke bërë një krahasim të thjeshtë, vërejmë se për çdo 100 vdekje në Suharekë, janë regjistruar rreth 257 lindje. Kjo do të thotë se shkalla e lindshmërisë është dukshëm më e lartë se ajo e vdekshmërisë. Në terma përqindjesh, mund të themi se rreth 61% e ngjarjeve demografike në Suharekë gjatë vitit 2024 kanë qenë lindje, ndërsa 39% kanë qenë vdekje, shkruan SuharekaOnline.

Numri i lindjeve në Suharekë, megjithëse i konsiderueshëm, tregon një tendencë të rënies krahasuar me vitet e mëparshme. Kjo është një problematikë që po përballet jo vetëm nga Suhareka, por edhe nga shumë zona të tjera. Shkaqet e kësaj rënie janë të shumëfishta, duke përfshirë faktorë ekonomikë, socialë dhe kulturorë.

Rënia e lindjeve ka implikime të rëndësishme për të ardhmen e Suharekës. Një popullsi e moshuar do të thotë një ngarkesë më e madhe për sistemin e pensioneve dhe shëndetësisë. Për më tepër, një numër më i vogël i të rinjve mund të çojë në mungesë të forcës punëtore dhe në rënie të aktivitetit ekonomik.