Gjatë vitit 2021 mbi 303 mijë vizita e shërbime mjekësore në QKMF-Suharekë

QKMF-Suharekë është Instutucion publik i kujdesit parësor shëndetësor i cili qëllim kryesor ka promovimin, ruajtjen dhe përmirësimin e shëndetit të komunitetit.

Shërbimet shëndetësore janë të ofruara në konceptin e Mjekësisë Familjare, ku gjithëpërfshirja, barazia, cilësia, ndershmëria dhe përgjegjësia, kosto-efektiviteti janë parimet bazë të ofrimit të këtyre shërbimeve.

Shërbimet të cilat ofrohen ne QKMF janë: Shërbimi i mjekësisë familjare, shërbimi i urgjencës mjekësore (24 orë), shërbimi i shëndetit oral, shërbimi i imunizimit dhe vaksinimit, shërbimi i diagnostikës, shërbimi i këshillëdhënies për nëna dhe gjinekologjisë, barnatorja qëndrore dhe shërbimi i transportit të pacientëve.

Numri i përgjithshëm i të punësuarve në QKMF është 145 persona, prej tyre 16 Specialist të Mjekesise Familjare, 1 Pediater, 1 Radiolog, 15 Mjeke të Përgjithëshem, 9 Stomatolog, 89 infermier dhe 18 jomedicinal.

Gjatë vitit që lamë pas në Qendrën Kryesore të Mjekësisë Familjare (QKMF) në Suharekë u realizuan 303 mijë e 652 vizita e shërbime mjekësore.

Në QKMF u realizuan 54 mijë e 937 vizita mjekësore, në QMF dhe AMF 136 mijë e 54 vizita dhe shërbime mjekësore dhe në Urgjencë 35 mijë e 882 vizita mjekësore.

Ndërkaq sa i përket vizitave shtëpiake, gjatë kësaj periudhe kohore u realizuan 3 mijë e 674 vizita mjekësore, në pediatri 2 mijë e 782 vizita mjekësore, në stomatologji u realizuan 3 mijë e 914 vizita mjekësore, ndërsa në rentgen ishin 7 mijë e 587 vizita mjekësore.

Në Ultrazë u kryen 1,185 vizita, në mamografi gjithashtu 689 vizita, në gjinekologji 2 mijë e 170 vizita mjekësore dhe në laborator 120 mijë e 113 shërbime.