GAP, për tre vite mandat, Muharremaj përfundoi 12 nga 20 premtimet e vitit 2017

GAP, për tre vite mandat, Muharremaj përfundoi 12 nga 20 premtimet e vitit 2017

Instituti GAP ka përditësuar në platformën elektronike “Letërnjoftimi i Komunave” vlerësimin më të fundit rreth përmbushjes së premtimeve të kryetarëve të komunave nga zgjedhjet lokale 2017.

Përditësimi i fundit përfshinë realizimin e premtimeve të kryetarëve të komunave deri në dhjetor 2020.

Sipas GAP nga gjithsej 20 premtime që ka dhënë në vitin 2017, kryetari i Komunës së Suharekës, Bali Muharremaj, deri në dhjetor të vitit 2020 ka përfunduar 12 prej tyre, 4 janë gjysmë të përfunduara, 2 të filluara dhe 2 nuk kanë filluar ende.

Si premtime ende të pa filluara mbeten: 1. Themelimi i një ndërmarrje për trajtimin e ujërave të zeza ku sipas raportit është përfunduar faza e parë e studimit të largimit të ujerave të ndotura për Komunën e Suharekës, ndërsa komuna është në hulumtim të gjetjes së fondeve për ndërtimin e Impiantit të trajtimit të ujërave të zeza. Komuna ka planifikuar (por nuk ka buxhetuar) që në vitin 2021 të nis procedurat për themelimin e ndërmarrjes publike lokale për trajtimin e ujrave të zeza. 2. Sigurimi i vendit të punës brenda territorit të komunës për çdo të diplomuar në mjekësi.

Ndërsa 2 premtimet që janë në fazën fillestare janë: 1. Hapja e një ekspozite të përhershme të trashëgimisë historike të Suharekës dhe 2.Restaurimi i disa objekteve me vlera të veçanta të trashëgimisë.

Vlerësimin e Institutit GAP mund ta shikoni në këtë lidhje.

RAPORTO