Dita Ndërkombëtare e Diversitetit Kulturor e gjen Suharekën pa “Shtëpi të Kulturës”!

Fabrika e Mobileve "TE NASERI"

Mobilo shtëpinë deri në 10,000 € me mundësi pagese deri në 36 muaj.

Kanë kaluar pothuajse 5 vite që kur Komuna e Suharekës ka mbetur pa Shtëpinë e Kulturës.

Projekt ky i papërfunduar, i cili do të mbetet sfidë e Komunës së Suharekës edhe përgjatë vitit 2023, shkruan SuharekaOnline.

Që nga viti 2018 kontrata për realizimin e projektit të shtëpisë së kulturës në Komunën e Suharekës ishte anuluar.

Si rezultat i mosrespektimit së afateve kohore nga ana e operatorit ekonomik dhe shkeljeve të kushteve të kontratës, si dhe mosrespektimit të projektit, më 30 maj 2019 kryetari i Komunës së Suharekës, Bali Muharremaj kishte njoftuar se është shkëputur kontrata për projektin “Ndërtimi i Shtëpisë së Kulturës Ukë Bytyçi”.

Ndërsa, Kryetari i Komunës së Suharekës, Bali Muharremaj në konferencën për media të mbajtur me 27 dhjetor 2022, ka theksuar se në vitin 2023 për të janë tri sfida të cilat do ta përcjellin gjatë këtij viti e njëra ndër to tha se është edhe Shtëpia e Kulturës “Ukë Bytyçi”.

“Për mua sfidë do të jetë ndërtimi i shtëpisë së kulturës “Ukë Bytyçi” që lënda vazhdon edhe më tutje në OSHP, ku vlera është 3 milion euro” kishte thënë Muharremaj ndër tjerash.

I pyetur se si do të bëjë zgjidhje për këtë projekt, Muharremaj tha se për shtëpinë e kulturës duhet të kthehet pasi që lënda është në OSHP dhe se Komuna e Suharekës do të vazhdojë me procedurat.