103 fëmijë me aftësi të kufizuara në Suharekë marrin asistencë sociale

25.10.2025

Agjencia e Statistikave të Kosovës ka publikuar statistikat e Mirëqenies Sociale për muajin shtator të vitit 2025.

Sipas statistikave të ASK që përcjellë SuharekaOnline figurojnë edhe ato të fëmijëve me aftësi të kufizuara dhe numri i familjeve që kanë fëmijë të kësaj kategorie, të cilat përfitojnë nga shteti.

Bëhet e ditur senë mujin shtator të këtij viti në Komunën e Suharekës janë regjistruar gjithsej 103 fëmijë me aftësi të kufizuara.

Nga statistikat që posedon SuharekaOnline bëhet e ditur se numri i kësaj kategorie në Komunën e Suharekës ka shënuar ngritje, krahasuar me muajt paraprak të këtij viti.

Në Kosovë janë gjithsej 3.960 fëmijë me aftësi të kufizuara të cilët ndihmohen nga shteti.