Suhareka kampione edhe në volejboll, ShMU “Dituria” zë vendin e parë në garat republikane

Pas Ballkanit që u shpall kampion i Superligës së Kosovës në futboll për edicionin 2021/2022, gjatë mbrëmjes së djeshme është shpallur kampion edhe Golden Eagle Ylli në Superligën e Kosovës në basketboll, kështu duke e mbrojtur titullin.

E gjatë ditës së sotme ka ardhur edhe një lajm i mirë për Komunën e Suharekës, ku tashmë edhe vajzat i kemi kampione.

Në kuadër të garave të sportit shkollor, u zhvilluan garat republikane në volejboll për SHMU-të dhe SHML-të, femra dhe meshkuj.

Në një konkurencë të fortë ku morën pjesë shkollat më të mira të Kosovës, ShMU “Dituria” – Samadrexhë, zuri vendin e parë duke u shpallur Kampion Republikan.

Blerdina Voci u zgjodh si lojtarja më e mirë e garave (MVP).