Mbi 100 ekipe të regjistruara në Turneun “Sadik Ramadanaj”, aplikimet vazhdojnë deri të premten

Deri më tani janë regjistruar mbi 100 ekipe, duke e bërë këtë një nga aktivitetet sportive më të mëdha të verës.

Organizatorët bëjnë të ditur se afati për paraqitjen e ekipeve mbetet i hapur deri të premten, duke u dhënë mundësi të gjithë të interesuarve të bëhen pjesë e garës.

Turneu “Sadik Ramadanaj” tashmë është shndërruar në një traditë sportive që mbledh së bashku sportistë, të rinj dhe dashamirë të futbollit, duke krijuar atmosferë garuese dhe argëtuese për pjesëmarrësit dhe tifozët.

Pritet që edhe këtë vit turneu të sjellë ndeshje interesante, rivalitet sportiv dhe pjesëmarrje rekord të ekipeve.