Kosova gati për nëntor — Rrahmani rikthehet në listën e “Dardanëve” përballë Sllovenisë e Zvicrës
Federata e Futbollit e Kosovës ka publikuar listën zyrtare të futbollistëve të ftuar për dy ndeshjet e muajit nëntor, ku “Dardanët” do të përballen me Slloveninë dhe Zvicrën.
Në këtë listë bie në sy rikthimi i kapitenit Amir Rrahmani, i cili kishte munguar në grumbullimin e muajit tetor për shkak të një lëndimi. Krahas tij, në skuadër është rikthyer edhe Baton Zabërgja, që pritet t’i japë më shumë opsione trajnerit në repartin ofensiv.
Ndërkohë, Florent Hadërgjonaj dhe Florian Haxha këtë herë janë lënë në listën rezervë.
Lista e plotë e Kombëtares së Kosovës:
Portierë:
Arijanet Muric, Amir Saipi, Visar Bekaj, Faton Maloku
Mbrojtës:
Amir Rrahmani, Mërgim Vojvoda, Lumbardh Dellova, Fidan Aliti, Ilir Krasniqi, Albian Hajdari, Kreshnik Hajrizi, Dion Gallapeni, Leard Sadriu
Mesfushorë dhe sulmues:
Valon Berisha, Elvis Rexhbecaj, Leon Abdullahu, Veldin Hoxha, Lindon Emërllahu, Meriton Korenica, Ermal Krasniqi, Baton Zabërgja, Edon Zhegrova, Milot Rashica, Florent Muslija, Fisnik Asllani, Vedat Muriqi
Pritje dhe objektiva
Përfaqësuesja e Kosovës do të zhvillojë ndeshjen e parë ndaj Sllovenisë, përpara se të përballet me Zvicrën, në përballje që pritet të jenë të forta dhe me rëndësi të madhe për moralin e skuadrës.
Trajneri pritet të mbështetet te përvoja e futbollistëve kryesorë si Muriqi, Rashica dhe Zhegrova, ndërsa rikthimi i Rrahmanit pritet të forcojë ndjeshëm mbrojtjen e “Dardanëve”.