FC Ballkani ndahet nga tre futbollistë, përfundon bashkëpunimi me Smajlin, Oliveirën dhe Petkovin
FC Ballkani ka njoftuar përfundimin e bashkëpunimit me tre futbollistët e skuadrës, Geralb Smajlin, Bruno Oliveirën dhe Stanislav Petkovin.
Foto: Ilustrim
Përmes një njoftimi zyrtar, klubi suharekas ka falënderuar lojtarët për kontributin e dhënë gjatë kohës sa ishin pjesë e ekipit, duke vlerësuar angazhimin dhe përkushtimin e tyre me fanellën portokalli.
“Klubi dëshiron t’i falënderojë për kontributin e dhënë gjatë kohës sa ishin pjesë e familjes së Ballkanit. I falënderojmë për çdo minutë të dhënë në fanellën portokalli dhe u shprehim mirënjohjen tonë për gjithçka që kanë kontribuar në rrugëtimin e FC Ballkanit”, thuhet në njoftim.
FC Ballkani u ka uruar Smajlit, Oliveirës dhe Petkovit suksese në vazhdimin e karrierës sportive dhe në jetën personale, duke i falënderuar për kontributin e tyre në klub.
